Kaffi dýrkar

Prísurin fyri kaffi fer væntandi upp, tí útboðið av kaffibønum minkar. Tað skrivar Wall Street Journal.

Turkur hevur verið í Brasilia, haðani meginparturin av kaffinum kemur, og kaffiframleiðslan er minkað munandi. Avleiðingin er, at prísirnir fyri kaffi eru øktir 38 prosent í 2014. Hetta er størsta príshækking í 10 ár.

Sambært fólki í vinnuni tekur tað vanliga nakrar mánaðir, til príshækkingin merkist hjá brúkarnum, tí fleiri kaffiframleiðarar keypa kaffibønir nakrar mánaðir frammanundan og tí hava stórar goymslur.

Ógvusligu príshækkingarnar kunnu elva til, at kaffiprísurin fer upp um fáar vikur, skrivar Wall Street Journal sambært Ritzau Finans.