Hondbóltur: U18 kvinnur til European Open

Hondbóltur: U18 kvinnur til European Open
Føroyska U18 landsliðið skal spæla ímóti Rumenia, Noreg, Íslandi og Eysturríki
 
07.03.2014 - 13:16

Føroyska U18 kvinnulandsliðið í hondbólti skal í døgunum 30. juni til 4. juli luttaka í European Open í Gøteborg í Svøríki.

Føroyska liðið er komi í bólk saman við Rumenia, Noreg, Íslandi og Eysturríki. Fyrireikingarnar eru farnar í gongd og ein bruttohópur verður tikin út í næstum.


European Open
European Open er ein kapping, sum á hvørjum ári verður spæld síðuleypandi við Partille Cup.

Annaðhvørt ár er kappingin fyri U19 manslandslið og annaðhvørt ár fyri U18 kvinnulandslið.

Hetta er sama kapping, sum U19 manslandsliðið luttók í í fjør við sera góðum úrslitum.


Partur av størri ætlan
Tað verður danin Flemming Oliver Jensen, sum kemur at standa á odda fyri liðnum, sum skal mannast við leikarum, sum eru føddir í 1996 ella seinni.

Tað eru partvís somu leikarar, sum í vetur hava verið við til G17 úrvalsvenjingarnar. Samstundis eru nakrir leikarar í hesum aldursbólkum í Danmark.

Ætlanin hjá HSF er, at Føroyar á hvørjum ári skulu luttaka í European Open, sum er ein sera dygdargóð og mennandi kapping, sigur Hondbóltssambandið. 

Hondbóltssambandið leggur afturat, at hetta er enn ein liður í ætlanunum hjá HSF at byggja upp eitt væl skipað og støðugt landsliðs- og úrvalsarbeiði fyri føroyskan hondbólt.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592