USA fer ikki at leggja uppí við hermegi í Ukraina

<p>- Vit verða ikki partur av einum hernaðarligum átaki. Vit hava ongan tørv á at fara í kríggj við Russland. Tað vilja ukrainar ikki, og tað vil eingin, segði Obama í sjónvarpssamrøðuni.</p>

<p>USA ætlar í staðin at skipa eina altjóða samgongu, sum skal leggja diplomatiskt trýst á Russland. Boðini til russisku valdsharrarnir eiga at verða, at Ukraina skal sjálvt avgera lagnu sína.</p>

<p>Mánadagin setti amerikanski forsetin tiltøk í verk móti 11 russum og ukrainum og segði, at USA fer at leggja trýst á Russland um at sleppa takinum um Ukraina og Krim-hálvoynna.</p>

<p>Obama segði í samrøðuni við NBC, at russiska innrásin er tekin um, at Vladimir Putin, forseti, er veikur, tí hann stúrir fyri at missa ávirkan í ávísum londum.</p>

<p>Ein stórur meiriluti avgjørdi á fólkaatkvøðu sunnudagin, at Krim-hálvoyggin skal loysa frá Ukraina, og verða partur av Russlandi.</p>