Kósin fer at virka frystan fisk

Kósavirkið í Klaksvík byggir út til virka vørur úr frystum fiski.

Jógvan Hansen á JFK sigur við Norðlýsið, at í nýggja partinum, sum verður bygdur niðan fyri ísvirkið, verður nýggj skipan, sum kann at tiðna trý tons av frystum fiski um tíman. 

Støðugari arbeiði

Við nýggju skipanini verður arbeiði støðugari á Kósini, skrivar Norðlýsið.

- Nógv arbeiði er á virkinum, tá fiskiskapurin er góður, men tá nøgdirnar av feskum eru minni, eru møguleikar at virka úr frystum fiski, sum er á goymslu ella fæst frá okkara egnu skipum, sigur Jógvan Hansen.

Nýggja skipanin verður eftir ætlan verða klár at taka í brúk um tríggjar vikur.