Kringvarpshúsini skulu byggjast út

Landsverk bjóðar nú út í almenna lisitatión arbeiðstøkuna í sambandi við um- og útbygging av Kringvarpshúsinum í Sortudíki. 

Verkætlanin verður boðin út í høvuðsarbeiðstøku og fevnir um 450 fermetrar av umbygging í verandi bygningum, og umleið 550 fermetrar av ný- og útbygging.

Í høvuðsheitum fevnir byggingin um umbygging, har verandi rúm verða lagað til nútíðar tørvin, meðan nýbyggingin fevnir m.a. um útbygging av inngongd og høll, nýggjari móttøku, nýggjum umsitingarbygningi og nýggjum framleiðslubygningi.

Lisitatión verður 14. juli á skrivstovuni hjá Landsverki.