Varðin: Miðalinntøkan er 600.000 kr.

Samtakið Varðin í Gøtu hevði í fjør sítt besta ár nakrantíð, skrivar Norðlýsið.

Umframt tey fýra skipini, eigur felagið eisini tríggjar fjórðingar í uppsjóvarvirkinum á Tvøroyri, og tann parturin er við í roknskapinum.

Felagið seldi í fjør fyri 829 milliónir kr., og úrslitið eftir skatt var 131 milliónir kr.

Varðin rindaði 88 milliónir kr. í skatti og tilfeingisgjøldum í fjør.

Í fjør starvaðust í miðal 280 fólk hjá fyritøkuni, og miðal inntøkan hjá teimum var 600.000 kr., skrivar Norðlýsið.