Makrelurin spøkir í hagtølunum fyri lønir og hýrur

Nú semja er um makrelin varð minni goldið í hýrum í august enn undanfarin ár.

Vanliga eru hýrurnar tíggju prosent av øllum lønum í august, men í ár vóru tær bara átta prosent.

Hagstovan upplýsir, at hesi seinastu árini hevur uppsjóvarfiskiveiðan verið óreglulig. 

Í fjør var ósemja um fiskirættindini, og tí bleiv nógvur uppsjóvarfiskur fiskaður í august. Men nú er semja, og tí verður nógvur makrelur fiskaður seinni í ár.    

Handverkarar meiri løn 

Bæði í juni og í juli vórðu goldnar 630 milliónir krónur í lønum í Føroyum, men í august vóru lønirnar tíggju milliónir minni.

Til 1.september fingu løntakarar í Føroyum fýra milliardir og 884 milliónir krónur í løn, - tað eru 210 milliónir, - svarandi til 4,5 prosent, meira enn í fjør. 

Størsti vøksturin er í byggivinnuni, 11 prosent, og í fiskivinnuni er vøksturin 5,2 prosent, upplýsir Hagstovan.