Ov nógvir ósvaraðir spurningar

Tað er ein stórur uggi í sorgini, at hava funnið dripna sonin aftur. Men foreldrini hjá Pidda sita framvegis við nogvum ósvaraðum spurningum

Ingvard og Kirstin Hansen kenna stóran ugga í, at beinagrindin av dripna soninum, Dánjal Peturi Hansen, Pidda, varð funnin og kann jarðast.

- Rannvá G. Fossaberg

Uni L. Hansen

11.09.2014 - 19:39

Kristin og Ingvard Hansen kunnu nú jarða soninum, Dánjal Petur Hansen, Pidda, ið varð dripin í heimi sínum á Gerðinsvegi í Runavík 4. november í 2011.

Beinagrindina av Pidda varð funnin út fyri Ljósa fyri tveimum vikum síðan av einum frítíðarkavara, 100 metrar frá landi og á 22 metra dýpi.

Tað er ein stórur uggi fyri familjuna loksins at fáa vissu um, hvat varð av Pidda, eftir at hann varð dripin og síðan burturbeindur fyri trimum árum síðan.

Men tey sita framhaldandi eftir við nógvum ósvaraðum spurningum, og tað nívir tey øll.