Forsetaval í Brasilia - eingin fekk meiriluta

Forsetaval í Brasilia - eingin fekk meiriluta
Neyðugt verður við einum umfari aftrat at velja forseta í Brasilia. Einki av teimum trimum valevnunum fekk meiriluta á forsetavalinum sunnudagin
Einki av teimum trimum valevnunum fekk meiriluta á forsetavalinum í Brasilia sunnudagin - heldur ikki sitandi forsetin, Dilma Rouseff, á myndini
Mynd: AP  
 
06.10.2014 - 08:47

<p>Tað er greitt, nú meiri enn 90 prosent av atkvøðunum eru tald. Forsetin, Dilma Rouseff úr sosialistaflokkinum, hevur fingið sløk 42 prosent av atkvøðunum, og hon skal kappast móti sosialdemokratiska valevninum, Aecio Neves, í seinna valumfari.</p>

<p>Neves fekk 34,2 prosent á valinum í gjár. Umhvørvisstríðskvinnan, Marina Silva, fekk bert 21 prosent av atkvøðunum. Líkt er til, at forsetavalið í Brasilia verður sera javnt, siga politiskir eygleiðarar.</p>

<p>Sosialistaflokkurin hevur havt valdið í Brasilia seinastu 12 árini, og seinastu árini hevur Dilma Rouseff verið forseti. Undanmaður hennara, Lula, framdi víðfevndar nýskipanir, sum lyftu teir umleið 40 milliónir brasilianararnar úr fátækradømi.</p>

<p>Lønirnar hækkaðu, og arbeiðsloysið minkaði. Men búskaparlig afturgongd hevur verið í landinum seinaastu tíðina, og dýrtíðin er vaksin. Fyrr í ár mótmæltu brasilianarar í gøtunum, at so nógvur peningur varð nýttur til heimsmeistarakappingin í fótbólti.</p>

<p>Brasilia er størsta demokratiska land í Suðuramerika. 142 milliónir veljarar eru skrásettir í landinum, og tað er skylda at velja.</p>

Er kopiera
Nýggjastu sendingar í ÚV
Fríggjadag 28. februar
Vikuskiftið 28 februar 2025
188454
Fríggjadag 28. februar
Breddin: Politiska støðan og snús
188439
Fríggjadag 28. februar
Morgunlestur fríggjadagur 28. februar 2025
187868
Hósdag 27. februar
Andarblak 27. februar 2024
188393
Nýggjastu sendingar í SV
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389
Hósdag 27. februar
Heim, kæra heim (2:3) - teknmálstulkað
188381