Miðval í USA: Obama stendur seg ikki væl

<p>Miðval er í USA í dag, og veljast skulu umboð í bæði kømrini í Kongressini, sum eru umboðsmannatingið og senatið. Allir 435 sessirnir í umboðsmannatinginum standa fyri vali.</p>

<p>Senatið hevur 100 sessir, 33 standa fyri vali. Republikanararnir, sum eru í andstøðu, hava meiriluta í umboðsmannatinginum, men veljarakanningar benda á, at teir eisini fáa meiriluta í senatinum eftir valið í dag.</p>

<p>Hendir tað, noyðist Obama, forseti, annaðhvørt at gera neyðsemjur við republikanararnar, ella at nýta sýtingarrættin. Tað verður&nbsp;strævið í longdini, siga politiskir eygleiðarar.</p>

<p><strong>Veljarakanningar tala ikki fyri Obama</strong></p>

<p>Obama stendur seg ikki væl í veljarakanningum í løtuni, og undir valstríðnum hava fleiri demokratar biðið forsetan um at halda seg burtur, tí hann styggir atkvøður.</p>

<p>Búskaparlig framgongd er í USA, men fólkið merkir eisini framgongdina, og Obama verður eisini lagdur undir ikki at vera nóg virkin, eitt nú tá ræður um ebola&nbsp;smittuna og kríggið móti Islamskum Stati.</p>

<p>Bert eitt kann forða fyri, at republikanararnir fáa alt valdið í Kongressini, og tað er valluttøkan. Fara tey ungu eisini á val í dag, kann úrslitið gerast ein fyrimunur fyri demokratarnar, siga eygleiðarar.</p>