Gunnar Nielsen nýggjur fíggjarstjóri í Bakkafrosti

Bakkafrost hevur sett Gunnar Nielsen í starvið sum fíggjarstjóri, starvið, sum gjørdist leyst, tá Teitur Samuelsen segði upp, tí hann gjørdist stjóri í P/f Eystur- og Sandoyartunlum.

Gunnar Nielsen er 37 ára gamal, og hann er ráðgevi hjá TF samtakinum. Hann tekur við hjá Bakkafrosti á nýggjárinum.

Gunnar Nielsen hevur arbeitt hjá Tryggingarfelagnum Føroyum síðani 2011, har hann millum annað var stjóri í TF Íløgum.

Hann var hjá Grannskoðaravirkinum Inpact í tveimum umførum, frá 1999 til 2006 og frá 2008 til 2011. Árnini 2006 til 2008 var Gunnar Nielsen fíggjarligur ráðgevi í BankNordik.