Elin B. Heinesen í leiðarastarv á Setrinum

Elin Brimheim Heinesen er í dag sett í starv sum leiðari fyri Lestrarskrivstovuna á Fróðskaparsetri Føroya. 

Lestrarskrivstovan er nýggj eind á Fróðskaparsetrinum, ið skal savna virksemið, sum hevur við studentar og lestur at gera. 

Skrivstovan verður bindilið millum fakliga og fyrisitingarliga partin av útbúgvingunum.

Elin Heinesen er útbúgvin cand. mag. við høvuðsgrein í fagurfrøði og mentan frá Aarhus Universiteti, við hjágrein í norðurlendskum málum og bókmentum frá Fróðskaparsetrinum. 

Harumframt hevur hon eina útbúgving á bachelorstigi í vinnubúskapi frá Handilsskúlanum í Keypmannahavn. 

Og hon hevur eisini royndir í leiðandi størvum, bæði í tí almenna og í tí privata vinnulívinum.

Elin Heinsen byrjar í starvinum tann 1. apríl næsta ár.