Avgjaldið á luktilsi skal takast av

Løgtingið fer í dag at viðgera eitt uppskot um at taka punktgjaldið á luktilsi av.

Endamálið er, sigur Jørgen Niclasen, landsstýrismaður, at fáa fólk, sum keypa luktilsi í øðrum londum, at fáa tey at keypa tað í føroyskum handlum, tá punktgjaldið verður strikað 1.juni í ár.

Handilsvinnan hevur ofta víst á, at punktgjaldið fær fólk at keypa eitt nú luktilsi uttanlands. 

Ein kanning, sum Gallup gjørdi fyri Fíggjarmálaráðið í 2006, segði, at minni enn fjórðingurin av teimum spurdu keypir luktilsi í Føroyum.

Við lógaruppskotinum verður punktgjaldið á kosmetikkvørum og sápu strikað. 

Landskassin missir tríggjar milliónir krónur av broytingini, men Jørgen Niclasen væntar, at pengarnir koma aftur í meirvirðisgjaldi, tí meira verður keypt.

Hann vísir á, at tá sjónvarpstól sluppu undan punktgjaldinum fyri tíggju árum síðani, fekk landskassin nakrar milliónir meira í meirvirðisgjaldi fyri sjónvarpstól