Atli Gregersen er liðskipari

Fróði Benjaminsen, liðskipari, og Jónas T. Næs, varðaliðskipari, eru ikki við, tá Føroyar spæla móti Rumenia sunnudagin.

Landsliðsvenjarin, Lars Olsen, má tí finna nýggjan liðskipara, og valið er fallið á Atla Gregersen

- Hetta er ein stórur heiður, og eg eri errin og glaður fyri álitið, sum Lars Olsen hevur givið mær, sigur Atli Gregersen við fsf.fo

Atli Gregersen hevur spælt 26 landsdystir fyri Føroyar.