Castro og Obama vælnøgdir við fundin

Amerikanski forsetin, Barack Obama, er vælnøgdur við fundin, hann hevur havt við Kubanska forsetan Raul Castro. Hetta skrivar BBC í morgun.

- Fundurin fer at hjálpa báðum pørtum at "venda blaðnum eftir áratíggir sum fíggindar," segði amerikanski forsetin.

Obama segði at fundurin hevur verið opin og gevandi, hóast bæði londini framvegis fara at hava ymiskar áskoðanir á nógv ymisk áhugamál. - Vit eru samdir um at vera ósamdir á fleiri økum, men vit virða tó hvønnannan og at bæði londini, sum tíðin gongur, fáa eitt gott samstarv.