121 útlendingar úr 35 londum í Klaksvík

Tað er ein partur av nýggja integratiónspolitikkunum hjá kommununi, sum varð almannakunngjørdur í gjár.

Sambært nýggja integratiónspolitikkinum, so skal Klaksvíkar Kommuna til eina og hvørja tíð hava eitt serligt umboðsfólk í mun til allar tilflytarar, sum skal vera til taks, og umboða kommununa samstundis.

Tað skal vera gjørligt hjá tilflytarum at seta seg í samband við umboðsfólkið um spurningar, tænastur ella tá tørvur er á hjálp frá kommununi, stendur í tilfarinum, sum varð almannakunngjørt í gjár. Eisini skal umboðsfólki vegleiða tilflytarar, stendur í integratiónspolitikkinum.

Í fjør búðu umleið 121 útlendingar úr 35 londum í Klaksvík.