Nýggj app kannar teg fyri móðurmerkjakrabba

Tak eina mynd við fartelefonini av einum móðurmerki og fortel appuni, hvar á kroppinum móðurmerkið er. Appin skinScan samanber síðani við myndir í einum dátugrunni.

Tak niður appina niðanfyri

Eftir at hava samanborið myndina, tú hevur tikið við fartelefonini, fortelur appin tær um tú skalt seta teg í samband við ein lækna, ið skal hyggja nærri at móðurmerkinum.

Tað er veruleikin við eini nýggjari appu, sum fyritøkan TeleSkin í Esbjerg hevur ment. TeleSkin mælir tó fólki til at vísa skynsemi, og ikki halda seg aftur at tosa við egnan lækna.

Íverksetaravirðisløn setti ferð á

Tað er fyritøkan, TeleSkin, sum upprunaliga kemur úr Serbia, ið hevur gjørt appina, ið kann kanna teg fyri móðurmerkjakrabba. Í dag heldur fyritøkan til í Esbjerg.

Gongd kom á menningina av appini í fjør, tá fyritøkan, TeleSkin, fekk játtað 250.000 evrur úr einum íverksetaragrunni til at menna nýggju appina.

Fleiri enn 200 føroyingar fáa á hvørjum ári staðfest móðurmerkjakrabba, sambært nýggjastu tølunum hjá Krabbameinsfelagnum.

Tak niður appina her: skinScan for Apple