Ætlar nýggja fólkaatkvøðu um loysing

Nicola Sturgeon, forkvinna í SNP, og fyrstiráðharri í Skotlandi, sigur, at komandi floksskránin fer at koma við einari tíðaráseting fyri, nær ein nýggj fólkaatkvøða skal vera, skrivar ritzau.

SNP er stórsti flokkur í Skotlandi. 
Á valinum í mai vann flokkurin 56 av teimum 59 skotsku sessunum í tjóðartinginum í London. Hinvegin misti Labour 49 sessir, og hevur nú bara eitt skotskt umboð í London

Skotar vóru á fólkaatkvøðu í fjør um loysing, men tá var ein meirluti ímóti. Bretski forsætisráðharrin, David Cameron, segði eftir valið í mai, at nýggj fólkaatkvøða fór ikki at vera.