Atsókn hevur nú kravt tvey mannalív

- Hetta er ein tann álvarsamasta hendingin í svenskari søgu. Tað sigur Thomas Fuxborg, talsmaður hjá svensku løgregluni, eftir atsóknina at einum svenskum skúla í býnum Trollhättan fyrrapartin.

Nú er staðfest, at atsóknin hevur kravt tvey mannalív. Tá løgreglan varð boðsend í morgun, hevði gerningsmaðurin dripið eitt fólk.

Umframt 21 ára gamla gerningsmannin, vórðu tveir næmingar, 12 og 15 ára gamlir, lagdir undir skurð, og ein lærari. Men tað er ógreitt, hvør av hesum fýra nú er deyður.

Greinin heldur fram niðanfyri

SKOLATTACKEN. Polisen har slagit till mot en adress där misstänkte 21-åringen uppges bo. https://t.co/5D2lIE66Kp pic.twitter.com/3cLBRagYOX

— Expressen (@Expressen) October 22, 2015

Blaðið Sydsvenskan skrivar, at tað er annar av næmingunum, sum hevur latið lív. Thomas Fuxborg, talsmaður hjá løgregluni, sigur, at løgreglan veit, hvør gerningsmaðurin er, og fer nú at gera rannsóknir, har hann býr.

Sambært løgregluni trokaði 21 ára gamli maðurin seg í gekkaskorti inn á skúlan, og hann býr í Trollhättan. Løgreglan sigur, at maðurin hevði fleiri vápn, sum líktust knívi.

Talan er ikki um ein fyrrverandi næming, sigur løgreglan, sum tó ikki vilja greiða nærri frá, hvør gerningsmaðurin er.