Rognkelsi í øllum aliringum á nýggjárinum

Tað sigur Gudny Vang, ið starvast hjá Marine Harvest, við blaðið, kyst.no. Hon vísir á, at umstøðurnar hjá alda laksinum eru batnaðar mnunandi seinasta árið, tí hitin hevur verið tann rætti.

Kyst no. skrivar, at Marine Harvest nú fer at leggja seg eftir at ala smoltið longri á landi, so laksurin verður seks mánaðir styttri á sjónum, áðrenn hann verður tikin.

SÍ EISINI Kunnu skjótt ala rognkelsi í Føroyum

Gudny Vang sigur við miðilin, at Marine Harvest ikki hevur ætlanir um at nýta kemisk evni til at fáa tamarhald á lúsini, ikki í stóran mun í øllum førum.

Ístaðin hevur felagið sett sær fyri at rognkelsi skulku vera í øllum aliringunum á nýggjárinum. Marine Harvest hevur innflutt rognkelsi úr íslandi, og tey fyrstu vórðu sett út í februar.

Síðani hevur felagið støðugt økt um rognkelsini í ringunum, og málið er, at rognkelsi skulu vera í øllum aliringunum hjá Marine Harvest Føroyar á nýggjárinum.