Serbiskur miðvallari til KÍ

KÍ hevur í dag skrivað undir sáttmála við 29 ára gamla Semir Hadzibulic fyri komandi kappingarár, tað skrivar felagið á heimasíðuni.

KÍ skrivar, at hann hevur spælt í bestu deildunum í millum annað Serbia, Georgia og Albania. 

Hadzibulic er 180 cm høgur og verður lýstur sum ein balansuspælari á miðvøllinum við góðum tekniskum førleikum. 

Nýggi verjuleikarin hjá KÍ, Ahmed Mujdragic og Semir Hadzibulic kennast væl og eru báðir uppvaksnir í býnum Novi Pazar í Serbia, har teir eisini hava spælt fyri barndómsfelagið FK Novi Pazar, skrivar KÍ.