Útbúgving ger av hvussu nógv børnini sleppa hetta

Hevur tú eina stutta útbúgving, er sannlíkt, at barnið hjá tær sleppur at brúka meira tíð við skíggjan enn hjá foreldrum við longum útbúgvingum.

Børn hjá foreldrum, ið hava langa útbúgving, brúka minni tíð við skíggjan enn børn hjá foreldrum við stuttari útbúgving.

Tað er niðurstøðan í eini kanning, svenski miðlastovnurin, Statens medieråd, hevur gjørt og eisini kunngjørt, sambært danska blaðnum, Politiken.

Greinin heldur fram niðanfyri

Kelda: Ungar & medier 2015: demografi, Statens medieråd (flyt músina yvir stabbarnar fyri útgreinað tøl)

Foreldur við akademiskum ella longum útbúgvingum seta í størri mun mark fyri miðlanýtsluna hjá børnunum enn fólk við stuttum útbúgvingum.

- Foreldur við longum útbúgvingum hava øðrvísi hugburð til miðlarnar, sigur Ulf Dalquist, granskingarleiðari hjá Statens medieråd, við Politiken.

Tað er eisini meiri vanligt, at børn hjá foreldrum við stuttum útbúgvingum hava sjónvarp á kamarinum vísir kanningin.