Kringvarpsgjaldið broytt

Sambært lógini skulu allir persónar, sum eru millum 24 og 66 ár, rinda 150 krónur um mánaðin í kringvarpsgjaldi. Tey, sum eru 67 ár og eldri, rinda 50 krónur um mánaðin.

Men tey, sum eru 23 ár og yngri, rinda einki kringvarpsgjald. Tað er bara fólk við skattskyldu í Føroyum, sum rinda kringvarpsgjald.

Lesandi, ið búgva uttanlands, men sum hava varðveitt fulla skattskyldu í Føroyum, rinda einki kringvarpsgjald.

Arbeiðspláss gjalda eftir lønarútreiðslum

Hjá teimum, sum hava A-inntøku, verur kringvarpsgjaldið kravt inn sum skattur, heilsutrygd og onnur gjøld. Hjá lesandi, sum fáa lestrarstuðul í Føroyum, verður gjaldið drigið av lestrarstuðlinum.

Tey, sum ikki hava A-inntøku, fáa rokning sendandi hvønn mánað. Feløg, virkir, kommunalir og almennir stovnar rinda eitt árligt gjald, sum er ásett eftir, hvussu stórar lønarútreiðslurnar eru.

Eru lønarútreiðslurnar t.d. millum 100.000 og 500.000 kr., er kringvarpgjaldið 2.000 krónur um árið. Men eru lønarúteiðslurnar 10 milliónir krónur um árið, skulu rindast 12.000 krónur í kringvarpsgjaldi.