Vilja varðveita skúlarnar í Hósvík og Hvalvík

Úrslitið av fólkaatkvøðuni í Hvalvík og Hósvík um skúlarnar í bygdini er greitt: Báðir skúlar skulu varðveitast.

Í Hósvík atkvøddu 143 fyri at varðveita skúlan, og 34 vóru í móti. 220 høvdu valrætt, og 177 vóru á fólkaatkvøðu, ella 80,4 prosent.

Í Hvalvík atkvøddu 127 fyri at varðveita skúlan, og 115 atkvøddu ímóti. Í Hvalvík høvdu 366 valrætt, og 242 vóru á fólkaatkvøðu, ella 66,1 prosent.

Úrslitið av fólkaatkvøðuni er fyri fínteljingina, sum verður seinni í kvøld.