Helvtin av øllum fólkum nærsýnt í 2050

Talið av nærsýntum menniskjum verður væntandi sjeyfaldað frá ár 2000 til 2050 við nærsýni sum høvuðsorsøk til blindni á heimsstigi, vísir nýggj kanning, skrivar sciencedaily.com .

Granskarar skriva í frágreiðing, at orsøkin til skjóta vøksturin er at finna í umhvørvinum og broytingar í lívsstílinum, og at vit uppihalda okkum styttri uttandura, sum annars er fyrimunur fyri eygað, at arbeiða við nær og fjar.

Fólk mugu raðfesta eygnarøkt

Úrslitið vísir á størri almennan heilsutrupulleika, har granskarar vísa á, at vit eru noydd at leggja til rættis eygnarøkt fyri at standa ímóti stóru hækkingini.

- Vit eru noydd at tryggja, at børnini hjá okkum kunnu fara til regluligt eftirlit hjá einum optikara ella eygnalækna, helst einaferð um árið, so at vit kunnu seta í verk fyribyrgjandi framtíðaræltanir, nú vandin lúrir.

Tað sigur Kovin Naidoo, professari og leiðari fyri Brien Holden Vision Institute við lærda háskúlan í New South Wales í Avstralia, sum hevur skipað granskingina.