Misnøgd hóast nýggjan forsætisráðharra

Hóast Ísland hevur fingið nýggjan forsætisráðharra, og politikararnir hava givið lyfti um altingsval í heyst, eru íslendingar ikki nøgdir við politisku støðuna í landinum.

Aftur í gjár mótmæltu eini 2.000 fólk uttan fyri altingið í Reykjavík. Tey kravdu, at val verður útskrivað alt fyri eitt.

Politiska kreppan í Íslandi tók seg upp, tá tað frættist, at fyrrverandi forsætisráðharrin, Sigmundur Davíð Gunnlaugsson, varð settur í samband við panamaskjølini um skattaskjól.

SÍ EISINI Íslendingar krevja nýval

Sigmundur Davíð sýtti í fyrstu atløgu fyri at leggja frá sær, men tað endaði við, at hann legði kongin og læt næstformannin í Framsóknarflokkinum, Sigurð Inga Jóhannsson, taka við sum forsætisráðharri.

Men íslendingar eru ikki sissaðir. Misálitið á politikararnar eru framvegis stórt eftir bankakreppuna í 2008.

At tilnevna Sigurð Inga Jóhannsson nýggjan forsætisráðharra, loysir ongan trupulleika í landinum, søgdu tey, sum mótmæltu uttan fyri Altingið í gjár, skrivar Ritzau.