Fleiri bilførarar tiknir fyri ólógliga koyring

Í Suðuroynni vórðu tveir bilførarar tiknir fyri at koyra ov skjótt, og í Eysturoynni koyrdu fimm bilførarar ov skjótt. Harafturat varð ein maður tikin í Eysturoynni fyri at koyra ávirkaður.

Av løgreglustøðini í Havn verður sagt, at nógv fólk var í býnum um alt landið í nátt, og tí var nógv at gera hjá løgregluni.

Millum annað fingu løgreglufólk í eini sjey umførum stegðað fólki, sum høvdu hug at fara til hendurs í Havn í lýsingini í morgun.

Eitt harðskapsmál

Tað var kortini einki harðskapsmál í nátt, men ein maður er skuldsettur fyri brot á løgregluviðtøkurnar, upplýsir vakthavandi á politistøðini.

Tað vil siga, at maðurin var óhøviskur í almenna rúminum. Skeinkistøð kunnu hava opið, tá heilidagur er dagin eftir, men fólk hava ikki loyvi at dansa.

Tí mátti løgreglan í fleiri førum heita á fólk, sum vórðu í góðum lag og høvdu hug til ein dans, um at sessast aftur og binda frið.