Soleiðis skulu valplakatir heingjast við landsveg

Tað verður nú strangari at heingja valplakatir upp fram við landsvegi. Hetta skrivar Landsverk á heimasíðu síni.

Eitt nú skal valplakatin ikki heingjast upp soleiðis, at hon fjalir aðra góðkenda vegamerking, ella er til ampa fyri ferðslutrygdina. Valplakatin skal heldur ikki heingjast upp soleiðis, at hon órógvar útsýni á vegunum, og tí kann vera til ampa hjá bilførarunum.

Landsverk hevur skrivað eina vegleiðing um valplakatir, um hvar tær kunnu heingjast, og kanska serliga, hvar tær ikki skulu heingjast.

Tað krevst ikki serligt loyvið at heingja valplakatir upp, bert vegleiðingin verður fylgd. Eitt nú skal standa búðstaður og telefonnummar hjá tí persóni ella flokki, sum hevur ábyrgdina av plakatini. Um plakatir eru, sum ikki fylgja vegleiðingini, kann løgreglan taka plakatirnar niður. Tað ber til at síggja vegleiðingina við at fara inn á heimasíðuna hjá okkum, sum er kvf.fo.

Les vegleiðingina frá Landsverki her