Taka undir við broytingum

Øll Trivnaðarnevndin tekur undir við uppskotinum hjá Eyðgunn Samuelsen, landsstýriskvinnu, um at dagpengalógin eisini skal fevna um fiskimenn frá fyrsta fráverudegi. 

Samstundis verður lógin um sjúkratrygd sett fyri fiskimenn sett úr gildi. Sambært uppskotinum skulu fiskimenn bara venda sær eina ferð til eitt stað, um teir verða sjúkir ella fáa skaða.

Lógaruppskotið hevur eisini við sær, at fiskimenn ikki longur skulu sjálvir útvega sær váttan frá skipara og læknaváttan innan 14 dagar eftir, at teir eru komnir í land.

Somuleiðis verða persónar, sum annars eru í óhepnari støðu, og ikki høvdu rætt til dagpening, fevndir av dagpeningaskipanini.