Góð undirtøka á minsta valstaðnum

Minsta kommunan á kommunuvalinum í dag er Fugloyar kommuna, har hava 36 fólk valrætt. Skúvoy er næstminsta kommuna, har 37 fólk hava valrætt.

Hinvegin eru fugloyingar óførir at fara á val, tí Fugloyar kommuna hevði hægstu valluttøku á kommunuvalinum í 2012, tí tá var vallutøkan 94,44 prosent.

Stórsta kommunan er Tórshavnar kommuna og har hava 15.343 fólk valrætt. Stórsta valstaðið er eisini í Havn, tað er Høllin á Hálsi.

Til samans 594 valevni eru í teimum 29 kommununum, nú kommunuval 2016 er.