Tórbjørn heldur fram sum borgarstjóri í Runavík

Tórbjørn Jacobsen verður borgarstjóri næstu fýra árini, og Terje Beinar Vestergaard varaborgarstjóri í Runavíkar kommunu.

Tað gjørdist greitt eftir fund í Søldarfjarðar skúla í gjárkvøldið, skrivar kommunan á heimasíðu síni.

Nýggja býráðið hevur eisini skipað ymsu nevndirnar, millum annað hava tey gjørt eina náttúru- og umhvørvisnevnd. Í henni er nývaldi Jóhan Vest formaður.

Sambært runavik.fo er full semja um, hvussu nevndarsessirnir í  Runavíkar kommunu skulu býtast.