Dómur fallin: Allir tríggir sekir

Reiðarin, skiparin og stýrmaðurin, sum vóru ákærdir fyri brot á lógina um trygd á sjónum umborð á Anitu, vórðu dømdir sekir og allir tríggir fáa bót.

Ákæruvaldið vildi hava fongsulrevsing, men tað var Føroya rættur ikki samdur við ákæraranum í. Føroya rættur hevur dømt skiparan og stýrmannin bót uppá ávikavist 40.000 og 10.000 krónur.

Bara um teir ikki rinda bótina skulu teir í fongsul í ávikavist 20 og 10 dagar. Reiðarin á Anitu, Søren Christiansen, varð dømdur at rinda størstu bótina, 120.000 krónur.

Málið skjótt trý ára gamalt

Málið móti reiðaranum, skiparanum og stýrimanninum byrjaði fyri skjótt trimum árum síðani, í februar mánað í 2014, tá garnaskipið, Anita, var á fiskiskapi.

Ein 24 ára gamal indonesiskur dekkari umborð á garnaskipinum fekk ein enda um fótin og varð drigin fyri borð og druknaði.

Sambært ákæruritinum høvdu fleiri mans umborð á garnaskipinum Anitu arbeitt uttan uttan steðg í samfullar 16 tímar.