- Tíðindi, mentan og ítróttur
Grunnur bjargar sjónvarpssavninum
Grunnur bjargar sjónvarpssavninum
A.P. Møller-grunnur hevur játtað fimm milliónir krónur til at talgilda gomlu bondini í sjónvarpssavninum hjá Savnsgulli
Savnsgull-verkætlanin fær fimm milliónir krónur frá grunni til at bjarga gomlum sjónvarpsupptøkum
30.11.2016 - 10:29
Savnsgull-verkætlanin, sum í trý ár hevur arbeitt við at talgilda gamla tilfarið í savninum hjá Kringvarpinum, fær nú fíggjarligan stuðul úr Danmark.
"A.P. Møller og Hustru Chastine Mc-Kinney Møllers Fond Til Almene Formaal" hevur nú játtað fimm milliónir krónur til at talgilda gomul sjónvarpsbond.
Játtanin frá grunninum er nóg mikið til at bjarga sjónvarpssavninum, upplýsir Savnsgull í tíðindaskrivi, ið er sent fjølmiðlunum í morgun.
Árliga játtanin á føroysku fíggjarlógini er 900.000 krónur. Ein verkætlanarleiðari og fýra starvsfólk arbeiða við at talgilda gamla tilfarið hjá stovninum.
Er kopiera
Nýggjastu sendingar í ÚV
Nýggjastu sendingar í SV
