IS tekur ábyrgd fyri álop

Yvirgangsfelagsskapurin, Islamski statur, sigur í eini fráboðan, at tey stóðu fyri álopinum í náttklubbanum í Istanbul nýggjársnátt, har 39 fólk lótu lív og 70 vórðu løstað.

Politiið í Turkalandi hevur sambært sjónvarpsstøðini Al-Jazeera sagt, at gerningsmaðurin er 20 ára gamal og tosar hálvbrotið turkiskt.

Greinin heldur fram niðanfyri

Islamic State claims responsibility for Istanbul attack: statement https://t.co/6GMyZ2HeGm pic.twitter.com/bhSws8mhAU

— Reuters Top News (@Reuters) January 2, 2017

Gerningsmaðurin gjørdi sær dælt av ruðuleikanum aftan á álopið og slepti sær til rýmingar. Vápnið lat hann liggja á staðnum.

Tað er nú komið fram, at álopið vardi í sjey minuttir. Hesar minuttirnar bleiv skotið millum 170 og 180 ferðir. Gerningsmaðurin er framvegis ikki funnin og handtikin.