Betri ferðsluviðurskifti fyri hundraðtals børn

Varðagøta verður gjørd smalri, har sum bussurin steðgar við høvuðsinngongdina til Sankta Frans skúla soleiðis, at eingir bilar kunnu koyra, meðan børnini fara úr bussinum og yvir um Varðagøtu í skúlan. 

Harafturat verður ikki gjørligt at yvirhála á teininum. Arbeiðið at smalka vegin verður gjørt nú og skal, sambært kommununi, vera liðugt fyrst í mars.     

Harafturat skal ferðslan í Varðagøtu vera einvegis ein tíma hvønn gerandismorgun. Tí fer kommunan at seta upp klokkustýrd vegaskelti við vegamótið Sjúrðargøta/Varðagøta.

Sostatt verður bara loyvt at koyra oman eftir Varðagøtu frá klokkan hálvgum átta til hálvgum níggju mánadag til fríggjadag.