185 ung fáa summarfrítíðararbeiði í Havn

185 ung í Tórshavnar kommunu hava fingið arbeiði í tvær vikur hjá kommununi.
Tey eru vald millum 326 umsøkjarar, 138 gentur og 187 dreingir. 
Í fjør søktu yvir 400 um arbeiði. Tá fingu 200 arbeiði. Tey vórðu funnin við lutakasti, sum ein telda gjørdi.

Tey eru tikin framum, sum hava søkt áður

Í ár varð lagt upp fyri, um umsøkjari hevur verið í Ungum í arbeiði áður, og um umsøkjari hevur søkt fyrr, men ikki fingið arbeiði.
Tórshavnar kommuna hevur kunngjørt á heimasíðuni, hvørji hava fingið arbeiði í summar. 
Ung í arbeiði er fyri 14, 15 og 16 ára gomul. Tey arbeiða í tvær vikur, 40 tímar um vikuna. Tey fyrstu fara til arbeiðis 26.juni.

Arbeiðið er at fríðka í kommununi.