Brexit: Skiftistíð á tvey ár

Skiftistíðin fyri Brexit, tað er tíðin, ið Bretland fer at brúka fyri at fara úr ES verður kanska tvey ár.

Bretski fíggjarmálaráðharrin, Philip Hammond, sigur, sambært Reuters, at í hansara baklandi er undirtøka fyri einari skiftitstíð í mun til ES og bretsku útlimanina úr ES.

Hann sigur, at skiftistíðin helst verður tvey ár.

Fyri fimm vikum síðani var hugskotið um eina skiftistíð rættuliga nýtt, men eg haldi, at ein í dag kann siga, at so at siga øll rundan um stjórnina taka undir við hugskotinum um eina skiftistíð av onkrum slag, sigur Phillip Hammond við BBC.