Hamas vil hava Trump at geva Ísrael boð um friðarætlan fyri Gasa

Hamas hevur biðið friðarráðið hjá Donald Trump,  um at geva Ísrael boð um at góðkenna friðarætlanina fyri Gasa.

Tað skrivar AFP.

Ísrael vil ikki taka undir við friðarætlanini, og tað hevur fingið fleiri arabisk lond at fordøma avgerðina hjá Ísrael.

Hamas-leiðarar hava hitt sendimannin hjá Trump, Jared Kushner, í Egyptalandi, og har komu teir við áheitanini um at geva Ísrael greið boð.

Friðarráðið hjá Trump legði í juli fram eina ætlan fyri Gasa í 15 stigum. 

Ætlanin krevur millum annað, at ísraelsk álop í Gasa halda uppat beinanvegin, at Hamas verður avvápnað, samstundis sum ísraelskar herdeildir taka seg úr Gasa, og at Gasa verður bygt uppaftur undir eini nýggjari sivilari palestinskari umsiting.