Fyrstu fiskirættindini fara undir hamaran í dag

Fyrsta uppboðssølan av rættindum at fiska verður á Fiskamarknaðinum í dag klokkan eitt.

Seld verða rættindi at fiska 5.447 tons av makreli og 1.106 tons av botnfiski í Barentshavinum.

Fiskimálaráðið fer at selja rættindi at fiska 121 túsund og 315 tons av fiski á uppboði á átta uppboðssølum nú í august og september.

Nógv tað mesta er uppsjóvarfiskur, sild, svartkjaftur og makrelur, og 2.827 tons eru botnfiskur í Barentshavinum.

Vørn hevur fýra afturlatnar uppboðssølur hósdagar, tann fyrsta verður hósdagin. 

Fiskamarknaðurin hevur fýra opnar uppboðssølur týsdagar, tann fyrsta verður í dag.