Fundast klokkan 14

Eftir at samráðingarnar millum Lønardeildina hjá Fíggjarmálaráðnum og Felagið Føroyskir Sjúkrarøktarfrøðingar ikki góvu nakað úrslit, lýsti felagið arbeiðssteðg fyri narkosusjúkrarøktarfrøðingar frá í morgin klokkan 8.

Tað fekk Lønardeildina at boðsenda semingsmannin, og klokkan 14 verður fundur millum semingsmannin og Felagið Føroyskir Sjúkrarøktarfrøðingar.

Semingsmaðurin kann útseta ein møguligan arbeiðssteðg í eina viku.

Ongar skurðviðgerðir avlýstar

Lýsti arbeiðssteðgurin er fyri narkosusjúkrarøktarfrøðingarnar á Landssjúkrahúsinum, Suðuroyar Sjúkrahúsi og Klaksvíkar Sjúkrahúsi.

Ronnie Midjord, stjóri á Landssjúkrahúsinum sigur, at tey enn ikki hava avlýst nakra skurðviðgerð, sum skal vera, tí hann onki hevur frætt frá nøkrum.

Hann bíðar eftir hvat úrslitið verður á fundinum millum sjúkrarøktarfrøðingarnar og semingsstovnin.

SÍ EISINI: Dagføring: Arbeiðsstegður útsettur