Góðar sjey milliónir kr. lagdar omaná til lønir

Meirilutin og Sambandsflokkurin í Tórshavnar býráði samtykti í gjárkvøldið fíggjarætlanina fyri 2018.

Hini í minnilutanum atkvøddi blankt.

Síðani fyrra viðgerðin var 26.oktober, er inntøkumetingin hækkað góðar 7,8 mió. kr., millum annað tí, at roknað er við meira í skatti. 

Men so fara góðar 7,3 milliónir av aftur til lønir.

Og 400.000 kr. afturat fara til íløgur.

Skattaprosentið í Tórshavnar kommunu næsta ár verður 19, tað sama sum í ár, og barnafrádrátturin verður 8.000 kr.