Tikin og skuldsettur fyri harðskap í Vágsbotni

Ein ungur maður er skuldsettur fyri álopið í Vágsbotni leygarnáttina 25.november. 

Maðurin er skuldsettur fyri harðskap. 

Politiið vil ikki siga, um maðurin játtar seg sekan ella noktar.   

Maðurin varð tikin í Havn í gjáramorgunin. Hann varð avhoyrdur og síðani latin leysur aftur seinnapartin.

Kanningararbeiði

Nakrar dagar eftir álopið vildi politiið hava hjálp frá almenninginum at finna álopsmannin og kunngjørdi eina rættliga neyva lysing av honum.

Tað vóru kortini ikki upplýsingar frá fólki, sum leiddu politiið á slóðina, men kanningar hjá politinum sjálvum.

Álopið hendi við handilin Kallkyn klokkan trý korter til fýra leygarnáttina 25.november. Ein maður varð sligin niður. Meðan hann liggur á vegnum, verður hann eisini sligin. 

Løgfrøðingar hjá fútanum avgera, um skuldsetti maðurin verður ákærdur og skal í rættin.