Eingin niðurstøða í dag um persónliga klagu

Landsstýrismálanevndin avgreiddi ikki klaguna, sum hon hevur fingið, í dag, men hevur fund aftur um eina viku.

Magnus Rasmussen, formaður í nevndini, sigur, at nevndin hevur fingið klagu frá einum fólki, sum kennir seg illa viðfarið í almennu skipanini. Málið er persónligt. Fyri at verja klagaran, kunnger nevndin ikki navn og klagu.

Klagað er ikki um ávíst fólk í landsstýrinum.

Á fyrstu fundunum um málið metir nevndin, um hetta er eitt mál, sum nevndin skal viðgera. 

Og tað metingina ger Landsstýrismálanevndin nú.

Í starvsskipanini hjá nevndini eru seks møguleikar, sum nevndin kann vísa á, um hon ikki vil viðgera eina klagu.  

Serliga eru tvær orsakir í starvsskipanini til viðgerðar í nevndini, sigur Magnus Rasmussen.

Onnur er, at nevndin ikki heldur, at nøkur lóg er brotin. Hin er, um nendin kann senda klaguna til Løgtingsins umboðsmann.