Landsstýrið: Pensjónsnýskipanin betrar haldførið

Mett verður, at pensjónsnýskipanin betrar haldførið hjá landsbúskapinum 340 mió. kr. í føstum prísum í 2040 og 690 mió. kr. í 2060. 

Hetta svarar til ávikavist 1,9 prosent og 3,8 prosent av BTÚ, bruttotjóðarúrtøkuni. 

Tað sigur Kristina Háfoss, landsstýriskvinna, í svari til Bárð Nielsen, løgtingsmann, sum spurdi um pensjónsnýskipanina. 

Kristina Háfoss sigur, at sum frá líður er hækkingin av inngjaldi og útgjaldi í Samhaldsfasta neutral fyri haldførið. 

Mett verður, at hækkingin í pensjónsaldrinum í sjálvum sær betrar haldførið 200 mió. kr. í føstum prísum í 2040 og 390 mió. kr. í 2060.