Høvdu venjing í Trøllanestunlinum

Seinnu árini hevur Landsverk regluliga skipað fyri venjingum í tunlum í Føroyum. Millum annað hava venjingar verið í tunlunum Norður um Fjall, Leynatunlinum, Kollfjarðartunlinum og Norðskálatunlinum.

Fríggjadagin var so venjing í Trøllanestunlinum, og hetta var tann fyrsta av sínum slagi í einum tunli í Kalsoynni.

Tey, ið luttóku í sjálvari venjingini, vóru Klaksvíkar Sløkkilið, Politiið og Sjúkraflutningstænastan. Harafturat vóru eisini eygleiðarar við fyri teir ymisku innsatspartarnar.

Bólkurin, sum stóð fyri venjingini fer nú at viðgera eygleiðararfrágreiðingarnar og gera eina felags niðurstøðu saman við innsatspørtunum.