Raðfesting av tunlum ikki endalig

Raðfesting av tunlum ikki endalig
Samgongan viðger í løtuni yvirskipaðu tunnilsraðfestingina og fíggingarleistin, og tá komið er mál við tí, verður alment boðað frá raðfestingini
Henrik Old, landsstýrismaður í samferðslumálum, segði í gjár, at hann ætlar, at raðfesta Fámjinstunnilin fyrst, men raðfestingin er sambært løgmanni ikki endalig avgjørd enn.
 
15.05.2018 - 12:06

Tað boðar ráðgevin hjá Aksel V Johannesen, løgmanni, frá í dag. Løgmaður vil ikki gera samrøðu við útvarpið um málið, fyrr enn viðgerðin er liðug.

Forkvinnan í fíggjarnevndini, Ruth Vang, var annars rættiliga greið í gjár, tá hon segði, at løgtingið hevur staðfest, hvussu tunlarnir skulu raðfestast.

Álitið á landsstýrismannin undir trýsti

Ruth Vang var púra greið í gjár, eftir at Henrik Old, landsstýrismaður í samferðslumálum segði í tíðindunum, at hann ætlar at raðfesta Fámjinstunnilin fyrst. Hetta hóast at Fíggjarnevndin hevur skrivað í sínum áliti, at Dalstunnilin skal raðfestast fyrst.

Hetta er ein stór avbjóðing, segði Ruth Vang, tá útvarpið tosaði við hana í gjárkvøldið.Tað er løgtingið, sum avger, um ein landsstýrismaður situr í sessinum, og álitið á landsstýrismannin er undir trýsti, segði forkvinnan í fíggjarnevndini.

Raðfestingin ikki endalig

Løgmaður er í løtuni ikki sinnaður at gera samrøðu við útvarpið um tunnilsraðfestingina. Ráðgevi hansara, sigur tó, at samgongan viðger tunnilsraðfestingina og fíggingarleistin og fer at koma við eini almennari fráboðan um, hvør avgerðin verður. 

Vit vildu annars fegin spurt løgmann, um landsstýrið kann taka aðra avgerð enn løgtingið í hesum førinum og, hvat nú fer at henda, eftir at forkvinnan í Fíggjarnevndini hevur boðað frá, at álitið á Henrik Old landsstýrismann er undir trýsti. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592