Grind í Gøtu

Grindaformenninir, sum fylgja grindini, halda, at talan kanska er um einir 100 hval.

Grindin varð funnin fyrrapartin, men tá vóru fáir bátar hjá henni, og hon hvarv. 

Men grindaformenninir í Leirvík vildu ikki góðtaka, at grindin hvarv, og tí fóru teir at leita eftir grindini saman við bátinum, sum fann grindina fyrrapartin.

Tað tók ikki so langa tíð at finna hana aftur og at fáa rakstur á hana.

Fyri løtu síðani var grindin komin innum Mjóvanes, og tá varð hildið, at hon verður hildin til um ein hálvan tíma ella so. Tá vóru einir 12-14 bátar hjá grindini, og raksturin gekk væl.