Onnur afturlatna uppboðssølan avgreidd

Seld vóru fyri umleið 11 milliónir krónur á uppboðssøluni at veiða botnfisk við Svaldbard, í Norra og Russlandi.

J.F.K. Trol, Framherji, Enniberg og Thor Fisheries keyptu øll rættindini, sum vóru ársrættindi, 3 ára rættindi og 8 ára rættindi.

Ársrættindi at veiða botnfisk í norskum sjógvi fóru fyri 3,10 krónur. Ársrættindi í Russlandi fyri 1,82 og ársrættindi fyri at veiða botnfisk við Svaldbard fóru fyri 1,83 krónur.

3 ára rættindini í Russlandi kostaðu 3,20 krónur, og 8 ára rættindini bæði í Norra og Russlandi fóru fyri 3,20 krónur.

J.F.K. Trol keypti mest rættindi á afturlatnu uppboðssøluni í dag. Felagið keypti fyri næstan fimm milliónir.

Yvirlit yvir vinnandi boð kunnu síggjast her.