Dominic Raab nýggjur Brexit-ráðharri

Nýggi Brexit-ráðharrin í bretsku stjórnini er tann 44-ára gamli Dominic Raab.

Theresa May hevur útnevnt Raab í dag, nú David Davis legði frá sær seint í gjárskvøldi, tí hann ikki kundi taka undir við tí semjuni, sum stjórnin hevur gjørt um, hvussu Brexit skal verða. 

Dominic Raab, sum hevur verið bústaðarmálaráðharri, var ein av fremstu forsprákarunum fyri, at Bretland skuldi fara úr ES, tá fólkaatkvøða var í 2016.

Nú skal hann vera samráðingarleiðari fyri Bretland í tingingunum við Michel Barnier, sum umboðar ES.