FIFA: Leggið dent á bóltin, ikki á kvinnurnar

FIFA: Leggið dent á bóltin, ikki á kvinnurnar
FIFA hevur heitt á tíðindastovur, ið vísa dystirnar, um at leggja størri dent á bóltin enn á vakrar kvinnur.
Tað hevur ikki verið óvanligt, at vakrar kvinnur, ið standa á áskoðaraplássunum til HM-dystir, verða vístar í sjónvarpinum, tá dysturin er. Nú krevur FIFA broyting.
 
12.07.2018 - 13:46

Til teir báðar dystirnar, sum eru eftir av HM í Russlandi, skalt tú ikki vænta at síggja so nógv til vakrar kvinnur á áskoðaraplássunum til dystirnar. FIFA hevur heitt á tíðindastovur, ið vísa dystirnar, um at leggja størri dent á bóltin enn á vakrar kvinnur. 

Margfeldisstjórin hjá FIFA, Frederico Addiechi, sigur, at FIFA nú fer at taka eitt prát við allar tíðindastovurnar, ið senda dystirnar. 

Orsøkin til, at málið verður tikið upp, er, at tað undir HM í Russlandi hava verið fleiri sexistiskir tilburðir. Millum annað hava fleiri mannlig tíðindafólk gjørt seg inn á kvinnulig tíðindafólk á opnum skýggja. 

Hetta er tó ikki fyrstu ferð, at málið verður tikið upp. Undir HM-endaspælinum í Brasilia fyri fýra árum síðani bleiv málið eisini viðgjørt. 

Ongland og Belgia spæla um bronsu leygardagin. Og sunnudagin klokkan 16 føroyska tíð verður finalan millum Frakland og Kroatia. 

Kringvarpið vísir finaluna beinleiðis í sjónvarpinum og á heimasíðu okkara.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592